راحت سنة والحزن بالقلب رعاد
وأنا أحسـب الأيـام تأخـذ غلاهـا
أثر الغلا في بعدها جـاد و ازداد
مشتـاق شوفتهـا ونسمـة هواهـا
صحيح لا قيل الهوى قرب وابعاد
وأكبـر دليـل الفـي مقـدر لقاهـا
بيني وبينه حايل الوقـت بعنـاد
وشخـص واشـي بالوشايـا تباهـا
الوقت نقبل بـه وتدبيـر جـواد
لكـن وشـاة الحـب قـرب عزاهـا
أموت وأحيـا والغـلا دوم وقـاد
فـي معمعـة دنيـا تعلقـم حـلاهـا
وارسم أماني واكتب الشعر بنشاد
وأحس نـار البعـد يحـرق صلاهـا
يقطعك يا وقتٍ به الذيب منصـاد
طاحت عليـه شبـاك ريـم وكلاهـا
عقب المساري فالغداري له شداد
وخطـام فيديـن الجليـلـة مـلاهـا
في كل يوم الشمس تشرق وتعاد
صورة غروب الشمس بأضعف ضياها
وأنا ياليت حضور ريما لي إنعـاد
لأقتل فراق الحـب وأحمـي سناهـا
يا حزن ياللي في سما القلب رعاد
نـذرٍ علـي أبقـي روايـح شذاهـا
مشتاق شوفتهـا!!!!!!!!!!!!!!!!!!!
رد مع اقتباس
مواقع النشر (المفضلة)